#分享3年3個不同嘅生B經歷🤰🏻👶🏻
13年生大哥哥👦🏻食全餐，14年生二哥哥🧒🏻自然順產，15年生妺妹👧🏻催生成功。
一次過輕鬆分享😙，雖然現實一啲都唔輕鬆！😜
.
13年夏天哥哥👦🏻喺我肚已經39週，照超聲波時估計有9磅幾。😱
醫生提議催生，就係咁我就經歷咗各樣催生步驟啦😅，估計我係預到實習醫生，所以過程可以用慘不忍睹嚟形容。
催生過程中keep住微燒🤒️燒咗12個鐘，醫生話要開刀生啦！😅🔪👶🏻 亦因為我發燒🤒️，所以大哥哥一出世就已經發緊燒！😅
.
第二年到生二哥哥🧒🏻，我用盡所有可以考慮嘅時間去決定開刀還是順產，提到二哥就一定要由佗佢開始講起......
.
當初知道再有BB當然開心，不過，隨之而嚟就諗 「係米要再開刀﹖………」
的確，佢哋兩兄弟出世日子相差好近，只有14個月，擔心傷口會因為順產而有機會爆開。
《但係，我真係唔想再......開刀》
滿腦子都係開刀定順產、開刀定順產？！
問咗3位產科醫生意見，最後我選擇順產生二哥哥🧒🏻。
雖然生第二個，但其實順產計只係生緊第一個，由陣痛到生足足痛咗三十幾四十個鐘，真係非常漫長嘅時間😌，不過身體復原得好快。
.
到第三年佗妹妹👧🏻嘅時候除咗我唔太增磅之外，都無咩其他特別問題。
.
不過做最後一次產檢時，妹妹心跳得好快，休息後再度心跳仍然跳得非常快，於是姑娘話要即時入院。
.
入院後妹妹心跳回復正常，所以醫生俾半日時間我深入考慮清楚開刀還是催生。😣
因為生大哥哥催生失敗過，所以當時我好擔心再食全餐😅 ，即使知道成功機會極高，但我仍然非常怕催生失敗！
最後，當然選擇咗接受催生，今次幸運地催生成功。🥳
.
依家見到佢哋👦🏻🧒🏻👧🏻漸漸成長，雖然當中好多辛酸同喜、怒、哀、樂，但係過程中心靈上嘅快樂佔大大大多數！🥰
.
💖 #祝願天下所有媽媽每天都母親節快樂！💐🥰
.
.
#母親節 #母親節快樂 #happymothersday #mothersday
#香港媽媽 #媽媽博客 #親子博客 #親子blogger #本地媽媽 #全職媽媽 #三年抱三
————————————
#Follow
MeWe:
https://mewe.com/p/歌c拉3年抱31湊3
IG:
www.instagram.com/threekids.gloria
FB:
歌c拉。3年抱3。1湊3
Search